السلام عليكم ورحمة الله وبركاته الحادكات لاباس عليكم؟ آش خباركم مع الخرقوم والصابون البلدي سمحو ليا حيت منزلتش الوصفة البارح حيت كنت عيانة ش...
السلام عليكم ورحمة الله وبركاته
الحادكات لاباس عليكم؟ آش خباركم مع الخرقوم والصابون البلدي
سمحو ليا حيت منزلتش الوصفة البارح حيت كنت عيانة شويه المهم بغيت نشكر كل اخت باسمها على التشجيع والتفاعل مع موضوعي في هذا الرابط تبارك الله عليكم كل وحدة عملات النفس في الأخرى باش كلنا نستفدو من بعضياتنا لهلا يخطينا على بعضياتنا
يوم السبت شريت 2 دراهم ديال الخرقوم ويوم الاحد قليتو في الزيت الرومية حتى تحمر لونو وخليتو يبرد ثم هرمشتو في المهراس ثم طحنتو في طحانة التوابل
غربلتو من الصفاية وخذيت ملعقة صغيرة من الخرقوم وعملتها مع شويه ديال الصابون البلدي قياس ملعقة صغيرة مع 10 دريال صابون بلدي عملتهم في حك نيفيا خلطتهم مزيان ثم استعملتهم دهنت بيهم الجسم كلو مع الوجه وخليتو واحد 10 دقائق شليتو بديت كنحك بصراحة لاحظت نعومة زيادة
كنتمنى الكل يستفيد من الموضوع
وصدقوني الخرقوم عواد الي مطحون على اليد الفرق بينو وبين الي كنشريو مطحون كبييييييير بزاااااااااااف حتى ماما لاحظات الفرق من الريحة واللون وطبعا ملي طيبت بيه بان المذاق ديالو على الي مشري جاهز مع أننا في الدار كلشي كنشريوه حبوب ونحمروه في الفران ونطحنوه إلا الخرقوم ههههههههه لكن من الآن فصاعدا نبقى نشريه عواد ونطحنو في الدار ونستعملو للجسم والطبخ ههههه
