لبنات ماسك خطير رجع ليا رجليا بيضين

: وصفة صحرواوية مجربة كتخلي الرجيلات بيضين وحمرين عن تجربة السلام عليكم ورحمة الله وبركاته.  بغيت نشارككوم بوصفة معتمدة عندي .جربتها...

: وصفة صحرواوية مجربة كتخلي الرجيلات بيضين وحمرين عن تجربة

السلام عليكم ورحمة الله وبركاته.

 بغيت نشارككوم بوصفة معتمدة عندي .جربتها والصراحة نتيجتها عجباتني بزاف.

دائما وابدا وصية لنفسي ولاخواتي مافيها باس نتهلاو فانفسنا مرة مرة ونحيدو العڭز ونوقفو تسجيل الوصفات في

الكتوبا بلا مانطبقوهوم.

وموادها موجودين في اي بيت مغربي:

نحتاجو للخميرة ديال العجينة,تحميرة,صابون بلدي,جوج پلاستيكات,وجوج تقيشرات,وجوج رجليه طبعا ههههههههه.

كندوبو الخميرة فشووووووية دالما نخليوها تخمر غير شوية ونخلطوها معا التحميرة والصابون البلدي وندهنو رجلينا بالخليط ونلبسوهوم پلاستيكات ثم تقيشرات

ملحوظة راه ملعقة صغيرة غتقدكوم ويشيط الخير عنداكوم تكترو

ونشقاو شي نصف ساعة غتلاحظو انا رجليكوم كيعرقو من بعد نصف ساعة دخلو للحمام ورشو رجيلاتكوم بماء

سخون وحكوهوم بالحجرة الخاصة بالڭدام والضفار بالشيتة حت اكيد غيدخل ليهوم الخليط وفي الاخير شللوهوم

وعاودو بشوية الصابون والماء ونشفوهوم ودهنوهوم باي مرطب عندكوم انا كنفضل عزيزي الڤازلين ولبسوهوم

تقيشرات وكملو على شقاكوم.هاد العملية ديروها 2 مرات في الاسبوع وغتلاحظو ان الرجيلات ولاو رطبييييييييييييين وحميمريييييييييييييين ولي

عندها تشققات غيبداو يتحيدو لكن مع المداومة راه قالو ناس زمان الدوام كيتقب الرخام.وفي الاخير كنتمني ليكوم نهار مليء بالطاعات وماتنساوش اختكم من الدعاء ودآآآائما لكن اجر مضاعف