كوماج طبيعي للوجه،رائع و على ضمانتي هاد الكوماج كانديرو 2 ديال المرات في الاسبوع وكانديرو حتا فاش كنمشي الحمام للوجهي و جسمي،و لاكين حتّا كن...
كوماج طبيعي للوجه،رائع و على ضمانتي
هاد الكوماج كانديرو 2 ديال المرات في الاسبوع وكانديرو حتا فاش كنمشي الحمام للوجهي و جسمي،و لاكين حتّا كنحك عاد كنديرو.
ـ فاش تبغي تمشي تحمحمي :
تاخدي صابون دلحجرة(طبيعي) تحكّيه فحكّاكة ديال خيزّو....تزيدي عليه سنيدة (شحا مبغيتي غير متكونش كتيييييرة)تخلطيهم بيدّك مزيان وتزيدي شوية الماء سخووون باش يجيك ساهل فاش تبغي دّريه،خلّيه فلحمك وجهك شي 5 دق،غسليه وحكّي وجهك بيدّيك لازالة الخلاية الميتة.
ـ ادا كنتي فالدار:
دعكي الصابونة مزيان بين يدّيك وزيدي سنيدة ودعكي مزيان حتى تحسّ بيدّيك سخان ،ودهني بيهم وجهك بشوية و بشكل دائري وغسليه بالما دافئ تم حكّي وجهك بأطراف الاصابع غتحسي بالجلد الميت تخرج...
راه كيفتّح البشرة وكخلّيها تتنفّس اوا جربوه و ردو علي الخبار
شي دعيوات باش انشاء الله يتحقّق اللي فبالي
