فطائر الوردة من مطبخ صالحة السلام عليكم ، ها انا رجعت ثاني مع وصفة فطائر الوردة ، بالنسبة للعجين غادي نحتاجو: كاس حليب دافئ ،تقريبا نصف ا...
فطائر الوردة
من مطبخ صالحة
السلام عليكم ،
ها انا رجعت ثاني مع وصفة فطائر الوردة ،
بالنسبة للعجين غادي نحتاجو:
كاس حليب دافئ ،تقريبا نصف الكأس سكر،
نصف كاس زيت، ثلاث ملاعق حليب بودرة ،
ملعقة صغيرة ملح، بيضة واحدة،
ملعقة كبيرة خميرة الخبز مطلوقة في شوية حليب دافئ ،
واحد خميرة الحلوى،
ياغورت طبيعي انا استعملت اكتيفيا
تقدرو تختاروا اي نوع مهم يكون بدون سكر،
الدقيق دائماً حسب الخليط
و سنحتاج إلى بيضة أخرى لدهن وجه الفطائر
و سنحتاج إلى بيضة أخرى لدهن وجه الفطائر
ما خاص العجينة تكون قاصحة لذلك ضيفو الدقيق شوية شوية.
كتخلطو السوائل اولا بعدها كتزيدو الدقيق وخميرة الحلوى
وعجنو العجينة مزيان حتى تحصلو على عجينة رخوة ولينة
وخليوها تخمار لمدة ساعة باش تخمر مزيان غطيوها ببلاستيك غذائي .
بعد ما تخمر العجينة
ذوبو زبدة وخلطوها مع زيت
ودهنو يديكم وصنعو كويرات صغار من العجينة
ودهنوها وخليو الكرات ترتاح لمدة ربع ساعة
من بعد كتاخدو كرة العجين وتسرحوها
على سطح مدهون زيت وزبدة
وولفوها على شكل قضيب طويل
ودائما كتدهنو بخليط الزيت والزبدة
وتحاولو تلفوها مثل ماهو موضح في الصور
راها ماشي صعبة وحاولو ترتبوها مزيان
ودهنوها بالخليط زبدة وزيت
وخليو الفطائر تخمار لمدة ساعة اخرى
ومن بعد دهنو الفطائر بخليط بيضة وقطرات خل وحليب
ودخلوها لفران مسخن جيدا على حرارة 180
وبالنسبة للتزيين فلكم الحرية طبعا
دهنوها بالعسل او مربى مع الكوك
ودائما المربى خاصه يكون مسخن
ودهنو الفطائر وهما باقي سخونين
او زينوها بالمربى مع رقائق اللوز
او لوز مسلوق ومقلي ومهرمش ،
لي عجبكم،
هنا الصورة توضح الفطائر إسفنجية و جد هشة
****************************************************
نتمنى يعجبوكم ولي جربت الوصفة ترد علينا الأخبار ،
دعواتكم،
أختكم صالحة
