شوربة الشعرية على بركة الله نقدم لكم مقادير و طريقة تحضير شوربة الشعرية للاسف ما عملتش الصور ..المرة القادمة انشاء الله نعاودها و نصور لكم ...
شوربة الشعرية
على بركة الله نقدم لكم مقادير و طريقة تحضير شوربة الشعرية
للاسف ما عملتش الصور ..المرة القادمة انشاء الله
نعاودها و نصور لكم المراحل
هي جد سهلة ..فيها مقادير الحريرة بدون حمص
المقادير
2 ملاعق كبيرة كرافس مفروم
1 ملعقة كبيرة قزبر مفروم
ملعقة كبيرة عدس
نصف بصلة مبشورة
1 ضامة البنة ( كنور الغنمي )
2 ملاعق صغيرة طماطم مركزة
رأس ملعقة صغيرة سمن ( إذا كنتم تحبون نكهته)
4 طماطم بقشورها مصلوقة و مطحونة بالطحان اليدوي أو الكهربائي
2 كؤوس صغيرة شعرية ( أنا كنفضل الشعري ديال السفة كتجي رائعة)
التوابل : ملح حسب الذوق -- نصف ملعقة كركم ( خرقوم بلدي) --
نصف ملعقة بابريكا ( تحميرة) -- رأس ملعقة صغيرة فلفل أسود --
رشة من القرفة
2 لتر من الماء
الدقيق الأبيض باش ندورو الشربة كالحريرة تماما
( أنا كنستعمل 5 ملاعق صغيرة كنزيد عليها 1 كاس ماء)
و كل واحد و قياسو اذا بغيتوها تكون خفيفة عملو اقل من 5 ملاعق
الطريقة
في طنجرة يقلى البصل مع قليل من الزيت ثم نضيف العدس
و الكرافس و القزبر و الماء..نقفل على الطنجرة لمدة 10 دقائق
ثم نضيف الطماطم و التوابل و السمن
و ضامة البنة و الطماطم المركزة
و نخليها حتى تغلي
أنا اضفت الشعرية ديال السفة في المرحلة الأخيرة
لانها لا تأخذ وقتا طويلا في الطهو
ثم أضفت خليط الدقيق الأبيض مع الماء بالتدريج مع التحراك
و نخليها تقريبا 10 دقائق و هاهي واجدة
ما تنساوش تحركو الشربة مرة مرة باش ماتلصق الشعرية في قاع الطنجرة
و ملي تطيب زيدو عليها واحد رشة ديال المعدنوس
و بالصحة و الراحة
مع خالص دعائكم
سعاد ام علي
